“”FunEasyLearn” tətbiqinin köməyi ilə şagirdlərin ingilis dili üzrə bacarıqlarının inkişaf etdirilməsi” layihəsinin açılışı olub

Tural Tural
Nov 27, 2025 - 18:37 Updated: Nov 27, 2025 - 19:00
0 49
“”FunEasyLearn” tətbiqinin köməyi ilə şagirdlərin ingilis dili üzrə bacarıqlarının inkişaf etdirilməsi” layihəsinin açılışı olub

Neftçala rayonu Xıllı qəsəbə R.Gözəlov adına 1 nömrəli tam orta ümumtəhsil məktəbdə “”FunEasyLearn” tətbiqinin köməyi ilə şagirdlərin ingilis dili üzrə bacarıqlarının inkişaf etdirilməsi” adlı layihənin açılış mərasimi keçirilib.

Təhsildə İnkişaf və İnnovasiyalar üzrə IX qrant müsabiqəsində qalib gəlmiş bu layihənin açılış mərasimində layihə rəhbəri, məktəb rəhbərliyi, qəsəbə icra nümayəndəsi, müəllimlər, valideynlər, qonşu məktəblərin müəllimləri iştirak edib.

Tədbirdə qeyd olunub ki, layihənin məqsədi “FunEasyLearn” tətbiqinin köməyi ilə şagirdlərin ingilis dilinə marağını, bilik və bacarıqlarını artırmaq və onların bu dilə yanaşmasını müsbət istiqamətdə dəyişdirməkdir. Həmçinin vurğulanıb ki, layihə çərçivəsində ingilis dili üzrə əlavə məşğələlərə ehtiyacı olan şagirdlər müəyyən edilmiş kriteriyalar əsasında seçiləcək, şagirdlər və valideynlər üçün layihənin mahiyyəti, məqsədləri və gözlənilən nəticələri barədə geniş məlumat veriləcək, 6 ay ərzində interaktiv dərsdənkənar məşğələlərin “FunEasyLearn” tətbiqinin köməyi ilə keçiriləcək və yekun qiymətləndirmə aparılacaqdır. Daha sonra çıxış edən müəllimlər layihənin əhəmiyyətindən söz açıblar. Onlar layihənin gedişatına uğurlar diləyiblər. 

Qeyd edək ki, layihə Neftçala rayonu Xıllı qəsəbə R.Gözəlov adına 1 nömrəli tam orta ümumtəhsil məktəbdə Nüşabə Zeynalova tərəfindən icra olunur.