“Fiziki fəallıqla skaut ruhunu kəşf et” layihəsinin açılış mərasimi keçirilib

Tural Tural
Nov 27, 2025 - 19:10
0 43
“Fiziki fəallıqla skaut ruhunu kəşf et” layihəsinin açılış mərasimi keçirilib

Şamaxı şəhər M.K.Veyisov adına 6 nömrəli tam orta ümumtəhsil məktəbində “Fiziki fəallıqla skaut ruhunu kəşf et” adlı layihənin açılış mərasimi baş tutub.

Layihənin açılış mərasimində layihənin rəhbəri, layihənin idarə heyəti, məktəb rəhbərliyi və müəllimlər iştirak edib. Açılışda bildirilib ki, layihənin məqsədi şagirdlərin həyati bilik və bacarıqlarını inkişaf etdirmək, sosiallaşmalarını və komandada işləmə bacarıqlarını artırmaq, sağlam həyat tərzinə maraq yaratmaq, liderlik və özünüifadə keyfiyyətlərini gücləndirməkdir. Bu məqsədə qeyri-formal təhsil forması olan skautinq vasitəsilə nail olunacaq. Skaut metodları vasitəsilə uşaqlar təbiətdə, oyunlarla, praktiki fəaliyyətlərlə “edərək öyrənmə” prinsipinə əsaslanaraq öyrənəcəklər. Layihə Şamaxı rayonunun seçilmiş məktəblərində pilot olaraq tətbiq ediləcək və qeyri-formal təhsilin məktəbdəki uğurlu modelini formalaşdırmağa yönəlib. Həmçinin vurğulanıb ki, layihə çərçivəsində maraqlı hədəf qrupu təyin etməklə onlara skautinq və onun metodologiyası haqqında təqdimat olunacaq, seçilmiş təhsilverənləri qeyri-formal təhsil forması – skaut metodları ilə təhsilalanlarda həyati bacarıqların inkişafına – sağlam həyat tərzi, zərərli vərdişlərdən qorunma, liderlik və dəstə idarəetməsi ilə bağlı təlimlərə cəlb ediləcək, dəstə görüşlərinin təşkili ilə təhsilalanların həyati bacarıqların inkişafına – liderlik bacarıqlarının inkişaf etidirilməsinə, komandada işləmə vərdişlərinin artırılmasına, sağlam həyat tərzi keçirmələrinə, zərərli vərdişlərdən qorunmanın təbliğinə dəstək olunacaq, qeyri-formal təhsil forması – skaut metodlarını praktiki tətbiq etmək üçün düşərgə təşkil ediləcək, könüllülük prinsipləri ilə skaut fəaliyyətinin davamalılığını təmin etmək üçün Azərbaycan Skautlar Assosiasiyası İctimai Birliyi ilə memorandium imzalanacaqdır. Daha sonra çıxış edən qonaqlar layihənin əhəmiyyətindən söz açıblar. Onlar layihənin gedişatına uğurlar arzulayıblar.

Qeyd edək ki, layihə Təhsildə İnkişaf və İnnovasiyalar üzrə IX qrant müsabiqəsində qalib olub və Şamaxı şəhər M.K.Veyisov adına 6 nömrəli tam orta ümumtəhsil məktəbində icra edilir.