Biləsuvarda “Marş irəli” layihəsinin bağlanış mərasimi keçirilib

Tural Tural
Mar 28, 2025 - 21:07 Updated: Apr 2, 2025 - 21:08
0 81
Biləsuvarda “Marş irəli” layihəsinin bağlanış mərasimi keçirilib

Biləsuvar rayonunda “Marş irəli” layihəsinin bağlanış mərasimi keçirilib.

Bağlanış mərasimində layihə rəhbəri, işçi qrupu, müəllimlər və şagirdlər iştirak edib. Çıxış edən layihə rəhbəri Mənsum Babayev qeyd edib ki, layihənin məqsədi sistemli olaraq fəaliyyət göstərəcək “Marş irəli” vətənpərvərlik dərnəyinin yaradılması ilə mütəmadi olaraq vətənpərvərliyi təbliğ edən müsabiqələrin və yarışların təşkili ilə şagirdlərdə vətənpərvərlik ruhunun yüksəldiməsinə, milli və ümumbəşəri dəyərlərinin inkişafına yardımçı olmaqdan ibarət olub. Bildirilib ki, layihənin icrası zamanı “Marş irəli” vətənpərvərlik dərnəyinin rəhbəri seçilib, seçilmiş rəhbərin (müəllimin) və köməkçisinin təlimatlandırılması və illik proqramın yazılması aparılıb, “Marş irəli” vətənpərvərlik dərnəyi təsis edilib və fəaliyyətə başlayıb. Həmçinin yürüş (parad), rəsm müsabiqəsi, atıcılıq yarışı, Vətən Müharibəsi iştirakçıları ilə görüşlər təşkil olunub. Daha sonra çıxış edən müəllim və şagirdlər layihənin uğurla yekunlaşdığını qeyd ediblər.

Qeyd edək ki, sözügedən layihə Azərbaycan Respublikası Elm və Təhsil Nazirliyinin Təhsildə inkişaf və innovasiyalar üzrə VIII qrant müsabiqəsinin qalib layihələrindən biridir.