El üçün çalışan həmişə yaşayar

 Son illər müxtəlif virusların yaranması və sürətlə yayılması, mövsümü xəstəliklərin tüğyan etməsi demək olar ki, hər kəsin yolunu xəstəxanalara salır. Mən və yaxın qohumlarım dəfələrlə Cəlilabad rayon Mərkəzi Xəstəxanasına gəlmişik.müainə və müalicə olmuşuq. Yaxın günlərdə qardaşım özünü nəirahat hiss etdiyi üçün Cəlilabad rayon Müainə və Müalicə Diaqinostiq Mərkəzə gətirdim. Tanış həkimlərimizlərin biri ilə sağlamlıq ocağının foyesində rastlaşıb görüşdük. Hal-əhval tutaraq, qardaşım dərdini yəni onu nəirahat edən ağrılarını nəql etdi. Tanış həkim bizə həkim Qastiro Enderoloq Sevinc Əbilovanın qəbuluna getməyimizi məsləhət bildi. 

 Biz Sevinc həkimin qəbulunda olduq. Sevinc həkim bizi çox səmimi və qayğıkeşliklə qarşıladı. Qardaşımı müainə etdi və müalicəsi üçün resept yazdı. Bəzi pəhriz məsləhəti və tapşırıqlarını verərək qardaşıma dedi:- Əyər sağlamlığına tez qovuşmaq istəyirsənsə mən deyənlərə əməl edərək müalicəni qəbul etməlisən...

 Qardaşım Sevinc həkimin müalicəsi və tövsiyyələri nəticəsində tez bir zamanda sağlamlığına qovuşdu. Elə bil heç o, göynəltili ağrılar onda yox imiş. 

  Ağ xalatlı xilaskar mələk həkimlərimiz haqqında mətbu orqanlarda mənim çox saylı yazılarım, onlarla müsahibələrim dərc olunub. Fikirimdən Sevinc həkimlə həmsöhbət olub, ondan müsahibə götürmək keçdi. Başladım onun haqqında çalışdığı iş yoldaşlarından və onun şəfalı əllərinin, həkimlik peşəsinin, savadının vəhdəti nəticəsində sağlamlıqlarına qovuşan 10-larla xəstə posyentləri ilə həmsöhbət olmağa. Hammısı onun çox yaxşı, alicənab, peşəsini sevə-sevə icra edən bir peşəkar həkim olduğunu dedilər. Sevinc həkimdən götürdüyüm müsahibəni oxucularımıza təqdim edirəm.

 - Həkim, özünüz haqqında oxucularımıza nə demək istərdiniz?

 - Mən Əbilova Sevinc Fərrux qızı 1969-cu il oktyabr ayının 12-sində anadan olmuşam. 1989-cu ildə Tibb Unversistetinə daxil olmuşam. 1996-cı ildə Tibb Unversistetinin 2-ci müalicə işi fakultəsini bitirmişəm. 1997-ci ildə Respublika Diaqnostika Mərkəzində həkim Endoskopist kimi qasternatura işləmişəm. 1998-ci ildə Respublika Diaqinostika Mərkəzində həkim Endoskopist kimi fəaliyyətə başlamışam. 2008-ci ilədək Respublika Dioqinostika Mərkəzində həkim Endoskopist kimi işləmişəm. 2008-ci ildən 2022-ci ilə kimi "Xəzər MMC" özəl klinikdə həkim Endoskopist kimi işləmişəm. 2022-ci ildən Cəlilabad rayon Mərkəzi Xəstəxanasında çalışmağa başlamışam. Hal-hazırda Cəlilabad rayon Mərkəzi Xəstəxanasının Poliklinika şöbəsində həkim Qastiro Enderoloq kimi fəaliyyət göstərirəm.

 - Həkimlik - insanların sağlamlığının keşiyində durmaq - müqəddəs sənətdir. Necə oldu ki, həkimlik sənətini seçdiniz?

 - Ailədə bir qardaş, bir bacı olmuşuq. 7-ci, 8-ci sinifdə oxuduğum illərdə məktəbli geyimi ağ kofta, qara ətək və ağ önlük geyinərdik. Mən dərsdən evə gələndə anam Şərqiyyə xanım arabir deyərdi: - Sevinc, qızım sənə ağ geyim çox gözəl yaraşır. Dəfələrlə anam, atama da deyərdi: - Fərrux qızımız mütləq ağ xalatlı həkim olacaq. Sən Allah bax gör məktəbli geyimi balama nə gözəl yaraşır... 

 Atam da başımı sığallayaraq deyirdi: -Həkimlik peşəsi müqəddəs peşədir. Həkim daim el-obanın sağlamlığı keşiyində durur və gecəli-gündüzlü xalq üçün çalışır. Ağıllı qızım birdəfəlik yaddaşına həkk elə. "El üçün çalışan həmişə yaşayar".

 Valideyinlərimin arzusuyla həkimlik peşəsini seçdim.

 - Həkim ailəlisiniz, və neçə övladınız var?

 - 1999-cu ildə ailə həyatı qurmuşam. Bir oğlan övladım var. Xaricdə ali təhsil alır.  

 - Gənc həkimlərimizə təcrübəli kolleqa kimi nə kimi məsləhətlər vermək istərdiniz?

 - Əvvəla yiyələndikləri peşələrini sevsinlər. Onlara ümid bağlayıb gələn xəstə pasyentlərə gəlir mənbəyi kimi baxmasınlar. Xəstələri həkim şəfqəti ilə qarşılayıb, həkim sevgisi ilə müainə və müalicə edərək hörmətlə yola salsınlar. Daima tibb eliminin axtarışlarında olsunlar və cavankən tibb aləmində qarşılarına qoyduqları məqsədlərinə nail olmağa çalışsınlar. 

 - Həkim sirr deyil ki, hər bir xəstəliyin yaranmasında bu və ya başqa dərəcədə biz özümüz günahkarıq. Necə edək ki, xəstələnməyək, sağlam ömür yaşayaq?

 - Mə'də xəstəlik evi, pəhriz cümlə dərmanların başıdır. Az yeməyin hüdudsuz mənfəəti vardır. O, sağlamlığı qoruyan əsas vasitədir. Səhər qidalanmamış evdən çıxmasınlar. Çünki, toxluq səbir və təmkinlik nişanəsidir, aclıq əsəbilik və qanqaralıq əlamətidir. Bütün sağlam adamlar həyatı sevir. Çalışıb sağlam olaq həyatı və insanları sevək.

 - Sevinc həkim müsahibələrə münasibətiniz necədir, ümumiyyətlə necə baxırsınız?

 - Normal baxıram. Ancaq yaxşı olar ki, müsahibə ilə tanış olan oxucu onda nə isə tapsın. Hər hansı bir müsahibə, fikirimcə oxucuda bu və ya digər dərəcədə maraq oyatmalıdır. Ümumi sözlərdən ibarət müsahibə əslində heç oxunmur. Bir də ki, konkret şəxsin də müsahibə verməyə mənəvi haqqı olmalıdır. İndi haqqı olan, olmayan da müsahibə verir. Cavablarda ürəkdən gələn sözlər, yeniliklər olanda müsahibələr şübhəsiz maraqlı təsir bağışlayır.

 - Sevinc həkim maraqlı müsahibə üçün çox sağ olun.

 - Qurban müəllim, siz çox sağ olun ki, biz peşə sahiblərini peşəmizlə xalqa tanıtdırırsınız.

    Müsahibəni hazırladı Qurban Əhməd.