“Sürətli oxuyaq, sürətli anlayaq” layihəsinin bağlanış mərasimi olub

Tural Tural
Mar 28, 2025 - 20:46 Updated: Apr 5, 2025 - 20:47
0 5
“Sürətli oxuyaq, sürətli anlayaq” layihəsinin bağlanış mərasimi olub

Neftçala rayonunda “Sürətli oxuyaq, sürətli anlayaq” layihəsinin bağlanış mərasimi keçirilib.

Mərasim Neftçala rayon R. Gözəlov adına Xıllı qəsəbə 1 nömrəli tam orta məktəbində baş tutub. Bağlanış mərasimində layihə rəhbəri, layihənin eksperti, məktəb direktorları, işçi qrupu və müəllimlər iştirak edib. Çıxış edən layihə rəhbəri qeyd edib ki, layihənin məqsədi sürətli oxuma üzrə peşəkar təlimçilərin təlimlərini təşkil etməklə bu sahədə müəllimlərin bilik və bacarıqlarını artırmaq və şagirdlərə sürətli oxuma bacarıqlarını inkişaf etdirməsinə dəstək olmaq olub. Bildirilib ki, təqdimat görüşlərindən sonra layihəyə cəlb üçün xüsusi hazırlanmış forma – blank vasitəsilə müraciətlər qəbul olunub. Burada əvvəlcədən təsdiqlənmiş meyarlara uyğun seçim aparılıb. Ümumi 6 müəllim və ilkin olaraq 18 şagird, daha sonra isə əlavə 42 şagird də seçilərək təlimlərə cəlb olunub. Daha sonra iki hissədən ibarət olan müsabiqə təşkil olunub və qaliblər mükafatlandırılıb. Digər çıxış edən qonaqlar layihənin uğurla yekunlaşdığını diqqətə çatdırıblar.

Qeyd edək ki, sözügedən layihə Azərbaycan Respublikası Elm və Təhsil Nazirliyinin Təhsildə inkişaf və innovasiyalar üzrə VIII qrant müsabiqəsinin qalib layihələrindən biridir.