“Voleybol Akademiyası ilə uşaqların fiziki və psixoloji inkişafının dəstəklənməsi” layihəsi yekunlaşıb

Tural Tural
Mar 5, 2025 - 21:42 Updated: Mar 9, 2025 - 21:42
0 2285
“Voleybol Akademiyası ilə uşaqların fiziki və psixoloji inkişafının dəstəklənməsi” layihəsi yekunlaşıb

“Voleybol Akademiyası ilə uşaqların fiziki və psixoloji inkişafının dəstəklənməsi” adlı layihənin bağlanış mərasimi keçirilib.

Təhsildə İnkişaf və İnnovasiyalar üzrə VIII qrant müsabiqəsində qalib gəlmiş bu layihənin bağlanış mərasimində məktəb rəhbərliyi, müəllimlər, şagirdlər iştirak edib. Layihə rəhbəri çıxış edərək bildirib ki, layihə çərçivəsində 20 nəfər həvəsli 7-8-ci sinif şagirdi seçilib. Onlar üçün 3 aylıq 48 saatlıq proqram hazırlanıb. Şagirdlərin yaşına uyğun proqram hazırlanıb. 3 ay həftədə 2 dəfə hər dəfə 2 saat olmaqla dərsdən kənar fəaliyyətlər təşkil edilib. Bu fəaliyyətlər zamanı şagirdlərin fiziki və psixoloji inkişafı ön plana çəkilib. Eyni zamanda rayonda voleybol yarışının keçirilməsi barədə elan verilib, komandalardan sifarişlər qəbul olunub. Yarışlar 5 gün müddətində keçirilib. Yarışda məktəbimizdən 2 komanda və digər məktəblərdən də 6 komanda iştirak edib. Yarışda qalib olan komanda bağlanış mərasimində mükafatlandırılıb. Həmçinin qeyd olunub ki, layihənin məqsədi Voleybol Akademiyasının yaradılması ilə uşaqların fiziki və psixoloji inkişafına töhfə vermək, şagirdlərin daha sağlam, daha sosial və özünə inamlı bir fərd kimi böyüməsinə imkan yaratmaqdır.

Xatırladırıq ki, layihə Hacıqabul rayon İ.Həsənov adına tam orta məktəbdə Bahadur İsmayılov tərəfindən icra olunur.