Biləsuvarda “Marş irəli” layihəsinin icrası davam edir

Tural Tural
Jan 30, 2025 - 21:01 Updated: Feb 25, 2025 - 21:02
0 19
Biləsuvarda “Marş irəli” layihəsinin icrası davam edir

Biləsuvar rayonunda “Marş irəli” layihəsinin icrası davam edir.

Layihənin icra planına uyğun olaraq yanvarın 20-si Biləsuvar rayon Şəhidlər Xiyabanına yürüş həyata keçirilib. Daha sonra layihə iştirakçılarının rayon tarix-diyarşünaslıq muzeyinə gəzintisi təşkil olunub. Bildirək ki, bundan öncə layihə çərçivəsində 6 mövzu üzrə təlimlər təşkil olunub. Bunlar – dərnək idarəetməsinin təşkili, təşəbbüs ideyalarının formalaşması və idarə olunması, vətənpərvərliyin düzgün formada aşılanması, şagirdlərlə fəaliyyət zamanı qeyri formal təhsil metodlarının tətbiqi, dərnək üçün kurikulum proqramı yazılışı üçün ilkin bacarıqlar və oyun əsaslı tədrisin və idarəetmənin təşkili mövzuların əhatə edib. Əlavə edək ki, layihənin məqsədi sistemli olaraq fəaliyyət göstərəcək “Marş irəli” vətənpərvərlik dərnəyinin yaradılması ilə mütəmadi olaraq vətənpərvərliyi təbliğ edən müsabiqələrin və yarışların təşkili ilə şagirdlərdə vətənpərvərlik ruhunun yüksəldiməsinə, milli və ümumbəşəri dəyərlərinin inkişafına yardımçı olmaqdan ibarətdir.

Qeyd edək ki, sözügedən layihə Azərbaycan Respublikası Elm və Təhsil Nazirliyinin Təhsildə inkişaf və innovasiyalar üzrə VIII qrant müsabiqəsinin qalib layihələrindən biridir.