“Onlayn simulyasiya platformasının Coğrafiya fənninin tədrisinə inteqrasiyası” layihəsinin icrası davam edir

Tural Tural
Jan 22, 2025 - 22:30 Updated: Feb 12, 2025 - 22:30
0 2911
“Onlayn simulyasiya platformasının Coğrafiya fənninin tədrisinə inteqrasiyası” layihəsinin icrası davam edir

"Onlayn simulyasiya platformasının Coğrafiya fənninin tədrisinə inteqrasiyası” layihəsinin icrası davam edir.

Layihənin icra planına uyğun olaraq, müəllimlər üçün peşəkar inkişaf təlimləri yekunlaşıb. Bundan öncə isə Coğrafiya fənnində ən vacib mövzuların tədrisi üçün effektiv PhET simulyasiyaları araşdırılıb və seçilib. Hərtərəfli kurikulum materialının hazırlanması üçün mövzu üzrə ekspertlər və pedaqoqlarla əməkdaşlıq olunub. Müəllimlərin və ekspertlərin iştirakı ilə seçilmiş PhET simulyasiyalarına uyğun olaraq öyrənmə fəaliyyətləri və qiymətləndirmə testləri tərtib edilib. Bildirək ki, layihənin məqsədi Azərbaycanda Coğrafiya fənninin tədrisinə PhET İnteraktiv Simulyasiyalar Platformasını inteqrasiya edərək interaktiv öyrənməni inkişaf etdirməkdir.

Qeyd edək ki, sözügedən layihə Azərbaycan Respublikası Elm və Təhsil Nazirliyinin Təhsildə inkişaf və innovasiyalar üzrə VIII qrant müsabiqəsinin qalib layihələrindən biridir.