“Olimpiada mərkəzinin yaradılması ilə təhsilalanların RFO-ya hazırlaşdırılması” layihəsinin bağlanış mərasimi olub

Tural Tural
Feb 26, 2024 - 22:05
0 25
“Olimpiada mərkəzinin yaradılması ilə təhsilalanların RFO-ya hazırlaşdırılması” layihəsinin bağlanış mərasimi olub

Azərbaycan Respublikası Elm və Təhsil Nazirliyinin Təhsildə inkişaf və innovasiyalar üzrə VII qrant müsabiqəsinin qalib layihələrindən olan “Olimpiada mərkəzinin yaradılması ilə təhsilalanların RFO-ya hazırlaşdırılması” layihəsinin bağlanış mərasimi keçirilib.

Mərasim Şəki şəhəri 18 nömrəli tam orta məktəbdə baş tutub. Tədbirdə layihə rəhbəri Məmməd Mahmudov, məktəb direktorları, layihənin idarə heyəti üzvləri, müəllimlər və valideynlər iştirak edib. Öncə çıxış edən layihə rəhbəri M.Mahmudov layihə haqqında ətraflı məlumat verib. Qeyd edib ki, layihənin həyata keçirilməsində məqsəd Şəki şəhəri üzrə olimpiada mərkəzinin yaradılması ilə sistemli və davamlı şəkildə təhsilalanların fənn olimpiadalarına hazırlaşdırılması üçün hazırlıq qruplarının təşkili olub.

Qeyd olunub ki, Şəki şəhəri üzrə 20 nəfər müəllimin seçilib, seçilmiş müəllimlərə olimpiada sahəsi üzrə təlimlər keçirilib. Həmçinin şagirdlərin diaqnostik (seçim) və yekun qiymətləndirilməsi təşkil edilib. Daha sonra təhsilalanlarla 3 ay ərzində intensiv olimpiada hazırlıqları təşkil olunub.

Tədbirdə çıxış edənlər digər qonaqlar layihənin əhəmiyyətindən söz açıblar və layihənin uğurla başa çatdığını qeyd ediblər.