“Təbiətin dostları – yaşıl dünyanın təşviqi” layihəsinin açılışı olub

Tural Tural
Dec 6, 2024 - 22:39
0 13
“Təbiətin dostları – yaşıl dünyanın təşviqi” layihəsinin açılışı olub

Biləsuvar rayonunda “Təbiətin dostları – yaşıl dünyanın təşviqi” adlı layihənin açılış mərasimi keçirilib. Təhsildə İnkişaf və İnnovasiyalar üzrə VIII qrant müsabiqəsində qalib gəlmiş bu layihənin açılış mərasimində layihə rəhbəri Asiman Əliyev, məktəbin direktoru Nurlan İmanov, müəllimlər Aybəniz Əhədova, Rasim Mirzəyev, Azər Əliyev və şagirdlər iştirak edib.

Layihə rəhbəri çıxış edərək qeyd edib ki, layihənin məqsədi yaşıl dünyanın təşviqi ilə bağlı tədbirlərin təşkili ilə məktəblilərin ətraf mühitə qayğıkeş münasibətinin formalaşdırılmasına və məktəb ərazisində yaşıllıq zolağının çoxaldılmasına dəstək olmaqdır. Həmçinin qeyd olunub ki, layihə çərçivəsində məktəb ərazisində ekoloji parkın – yaşıllıq zolağının formalaşdırılması, məktəblilərin ekoloji maarifləndirilməsinə və bu sahədə təcrübə keçməsinə şəraitin yaradılması, ekoloji resursların formalaşdırılmasına və ətraf mühitin qorunmasına məktəblilərin cəlbi, müəyyən edilmiş ərazidə müxtəlif meşə ağacları və kol-bitkilərini əkməklə məktəblilər arasında ekoloji mədəniyyətin təbliğinə dəstək vermək, eko məktəbli klubunu yaratmaq kimi işlər həyata keçiriləcəkdir.

Daha sonra çıxış edən müəllim və şagirdlər layihənin əhəmiyyətindən söz açıblar. Onlar layihənin gedişatına uğurlar diləyiblər. 

Qeyd edək ki, layihə Biləsuvar rayon Bəydili kənd R.Mikayılov adına tam orta məktəbdə icra olunur.