“Onlayn simulyasiya platformasının Coğrafiya fənninin tədrisinə inteqrasiyası” layihəsinin bağlanış mərasimi keçirilib

Tural Tural
Apr 20, 2025 - 19:54 Updated: May 12, 2025 - 19:55
0 661
“Onlayn simulyasiya platformasının Coğrafiya fənninin tədrisinə inteqrasiyası” layihəsinin bağlanış mərasimi keçirilib

“Onlayn simulyasiya platformasının Coğrafiya fənninin tədrisinə inteqrasiyası” layihəsinin bağlanış mərasimi keçirilib.

Bağlanış mərasimində layihə rəhbəri, idarə heyəti üzvləri, müəllimlər və şagirdlər iştirak edib. Çıxış edən layihə rəhbəri qeyd edib ki, layihənin məqsədi Azərbaycanda Coğrafiya fənninin tədrisinə PhET İnteraktiv Simulyasiyalar Platformasını inteqrasiya edərək interaktiv öyrənməni inkişaf etdirmək olub. Bildirilib ki, layihənin icrası zamanı Coğrafiya fənnində ən vacib mövzuların tədrisi üçün effektiv PhET simulyasiyaları araşdırılıb və seçilib. Hərtərəfli kurikulum materialının hazırlanması üçün mövzu üzrə ekspertlər və pedaqoqlarla əməkdaşlıq edilib. Müəllimlərin və ekspertlərin iştirakı ilə seçilmiş PhET simulyasiyalarına uyğun olaraq öyrənmə fəaliyyətləri və qiymətləndirmə testləri tərtib olunub. Həmçinin müəllimlər üçün peşəkar inkişaf təlimləri təşkil edilib. Daha sonra çıxış edən müəllim və şagirdlər layihənin uğurla yekunlaşdığını qeyd ediblər.

Qeyd edək ki, sözügedən layihə Azərbaycan Respublikası Elm və Təhsil Nazirliyinin Təhsildə inkişaf və innovasiyalar üzrə VIII qrant müsabiqəsinin qalib layihələrindən biridir.