“Riyaziyyat dərsinin şagirdlərin mənimsəmə tempinə uyğun öyrənilmə imkanı” layihəsi yekunlaşıb

Tural Tural
Mar 6, 2025 - 23:01 Updated: Mar 10, 2025 - 23:01
0 85
“Riyaziyyat dərsinin şagirdlərin mənimsəmə tempinə uyğun öyrənilmə imkanı” layihəsi yekunlaşıb

Salyan rayonunda “Riyaziyyat dərsinin şagirdlərin mənimsəmə tempinə uyğun öyrənilmə imkanı” layihəsinin icrası yekunlaşıb.

Bağlanış mərasimində məktəb rəhbərliyi, müəllimlər və şagirdlər iştirak edib. Qeyd olunub ki, layihənin məqsədi Khan Academy platformasında yerləşən 6-cı sinif riyaziyyat fənni materiallarının orta məktəb tədrisinə adaptasiya edilməsi və ondan istifadə etməklə dərslərin təşkil edilməsi ilə şagirdlərin riyaziyyat və rəqəmsal biliklərini təkmilləşdirmək, fərdi və əyləncəli öyrənməni təşviq etmək eyni zamanda müəllimlərin sinifdə şagirdlərə fərdi yanaşmanı tətbiq etmələri üçün imkanlar yaratmaq olub. Vurğulanıb ki, layihə çərçivəsində müəllimlərə Khan Academy platformasından istifadə ilə əlaqəli təlimlər keçirilib, təlimatlandırıcı video çarxlar hazırlanıb, praktik olaraq sinifdə fərdi yanaşmanın tətbiq olunması və Khan Academy ilə 6-cı sinif riyaziyyat fənni üzrə dərslər təşkil olunub.

Xatırladaq ki, sözügedən layihə Təhsildə inkişaf və innovasiyalar üzrə VIII qrant müsabiqəsinin qalib layihələrindən biridir və Salyan rayonu Aşağı Kürkənd kənd Azər Əliyev adına tam orta məktəbdə icra olunur.