Lənkəranda Məktəblilərin təlim nəticələrinin artırılmasına “Sosial dəstək” layihəsinin icrasına başlanılıb

Tural Tural
Nov 10, 2024 - 23:53 Updated: Nov 10, 2024 - 23:59
0 39
Lənkəranda Məktəblilərin təlim nəticələrinin artırılmasına “Sosial dəstək” layihəsinin icrasına başlanılıb

Azərbaycan Respublikası Elm və Təhsil Nazirliyinin Təhsildə inkişaf və innovasiyalar üzrə 8-ci qrant müsabiqəsinin qalibi Gülnar Nəcəfovanın rəhbəri olduğu Məktəblilərin təlim nəticələrinin artırılmasına “Sosial dəstək” layihəsinin icrasının 01.10.2024 tarixindən başlayaraq hazırlıq dövrü uğurla davam etdirilir.

Bu barədə layihənin rəhbəri Lənkəran şəhər A.Məhərrəmov adına 7 nömrəli tam orta məktəbinin müəllimi və tərbiyəvi təşkilatçısı Gülnar Nəcəfova məlumat verib. O, qeyd edib ki, Məktəblilərin təlim nəticələrinin artırılmasına “Sosial dəstək” layihəsinin məqsədi məqsədi maddi rifah halı aşağı olan şagird ailələrinə sosial dəstək göstərməklə məktəblilərin dərslərə davamlı qoşulmasını təmin etməkdən və onların təlim nəticələrinin yüksəlməsinə dəstək olmaqdan ibarətdir. Bu məqsədlə Lənkəran şəhər A.Məhərrəmov adına 7 nömrəli tam orta məktəbində hazırda təhsil alan məktəblilər üçün layihədə aşağıdakı 3 istiqamətdə fəaliyyətlərin təşkili nəzərdə tutulur: 1) Sosial durumu ən ağır vəziyyətdə olan 32 nəfər şagirdi məktəbli çantası, ayaqqabı və məktəbli formaları ilə təmin etmək; 2) Onların valideynləri və ya qanuni nümayəndələri ilə görüşlər keçirərək onların hər hansı iş qabiliyyətlərini müəyyən etmək və psixoloji, mənəvi dəstək olmaq; 3) Dövlət Məşğulluq xidməti ilə əməkdaşlıq yaradılaraq həmin valideynlərin işlərlə təmin olunmasına çalışmaq; və s. Hazırda layihənin hazırlıq işləri uğurla davam etdirilir. Layihə komandası tərəfindən layihə üzrə çap məhsullarının hazırlanması, məktəblilərin müəyyən olunması və onların ailələri ilə əlaqələrin qurulması istiqamətində işlər görülməkdədir. Məktəblilərin təlim nəticələrinin artırılmasına “Sosial dəstək” layihəsi 01.10.2024-01.03.2025-ci il tarixlərində Lənkəran rayonunda icra olunur. 

Məktəblilərin təlim nəticələrinin artırılmasına “Sosial dəstək” layihəsinin mətbuat xidməti