“Kodlaşdırmada ilk addımlar” layihəsi yekunlaşıb

Tural Tural
Apr 4, 2024 - 16:51
0 814
“Kodlaşdırmada ilk addımlar” layihəsi yekunlaşıb

Azərbaycan Respublikası Elm və Təhsil Nazirliyinin Təhsildə inkişaf və innovasiyalar üzrə VII qrant müsabiqəsinin qalib layihələrindən olan “Kodlaşdırmada ilk addımlar” layihəsinin bağlanış mərasimi keçirilib.

Mərasim Ağcabədi şəhər 5 saylı tam orta məktəbdə baş tutub. Tədbirdə layihə rəhbəri, məktəb direktorları, müəllimlər və şagirdlər iştirak edib. Öncə çıxış edən layihə rəhbəri layihə haqqında ətraflı məlumat verib. Qeyd edib ki, layihənin həyata keçirilməsində məqsəd təhsilalanları müxtəlif kodlaşdırma proqramları ilə bağlı təlim kursuna cəlb etməklə onlara bu istiqamətdə bilik və bacarıqların düzgün və effektiv öyrədilməsinə nail olmaq olub. Bildirilib ki, layihə iştirakçılarını layihəyə cəlb etmək və məqsədə uyğun əməkdaşlıq yaradılıb, dərnəyin gündəliyi, proqramı, təqdimatı və lazımlı resurslar hazırlanıb. Həmçinin şagirdlər üçün kodlaşdırma və proqramlaşdırma təlim kursu təşkil olunub.

Tədbirdə çıxış edən digər qonaqlar layihənin əhəmiyyətindən söz açıblar və layihənin uğurla bitdiyini qeyd ediblər.