“İbtidai siniflərdə riyaziyyat biliklərinin təkmilləşdirilməsi” layihəsinin açılış mərasimi keçirilib

Tural Tural
Nov 27, 2025 - 22:55 Updated: Dec 3, 2025 - 22:56
0 23
“İbtidai siniflərdə riyaziyyat biliklərinin təkmilləşdirilməsi” layihəsinin açılış mərasimi keçirilib

Ağdam rayonu 102 nömrəli tam orta ümumtəhsil məktəbində “İbtidai siniflərdə riyaziyyat biliklərinin təkmilləşdirilməsi” adlı layihənin açılış mərasimi baş tutub.

Layihənin açılış mərasimində layihənin rəhbəri, məktəb rəhbərliyi və müəllimlər iştirak edib. Açılışda bildirilib ki, layihənin məqsədi “Khan Academy” onlayn tədris platforması vasitəsilə şagirdlərin riyaziyyat və rəqəmsal bacarıqlarını inkişaf etdirmək, interaktiv və fərdi öyrənməni təşviq edərək dərsə maraq yaratmaq, həmçinin şagird və müəllimlərin “Khan Academy” platformasından effektiv istifadə bacarıqlarını artırmaqdır. Həmçinin vurğulanıb ki, layihə çərçivəsində şagirdlərin riyaziyyat və rəqəmsal biliklərini inkişaf etdirmək məqsədilə “Khan Academy” video dərslərindən və tapşırıqlarından istifadə ediləcək, şagird və müəllimlər üçün “Khan Academy Azərbaycanca” platformasından maksimum fayda əldə etmələri üçün tədris və öyrənmə bacarıqları artırılacaq, tədris resursları və video təlimatlar vasitəsilə şagirdlərə və müəllimlərə platformanın effektiv istifadəsi təmin ediləcək, layihə müddətində və sonrasında şagirdlərin və müəllimlərin “Khan Academy” platformasından mütəmadi olaraq istifadəsi davam etdiriləcəkdir. Daha sonra çıxış edənlər layihənin əhəmiyyətindən söz açıblar. Onlar layihənin gedişatına uğurlar arzulayıblar.

Qeyd edək ki, layihə Təhsildə İnkişaf və İnnovasiyalar üzrə IX qrant müsabiqəsində qalib olub və Mehriban Xasməmmədova tərəfindən icra edilir.