Cəlilabadda Aztelekomdan şikayətlər artır

Tural Tural
Feb 1, 2024 - 20:38
0 151
Cəlilabadda Aztelekomdan şikayətlər artır

Əziz oxucular!

Biz keçən yazımızda Cəlilabad rayonunda vətəndaşların Aztelekomla olan problemindən danışmışdıq. Nədir bu problem, kimlərdir vətəndaşları bu seçki ərəfəsində dövlətdən narazı salan?

Vətəndaşların dili ilə desək, "Aztelekom" MMC-nin rəhbərliyi başda olmaqla bütün aidiyyəti dövlət qurumlarına müraciət olunmasına baxmayaraq, şikayətin təmin olunmasını, təkrar, narazılığın qaynaqlandığı idarəyə və idarə rəhbərinə icra olunmasını tapşırırlar. Bu da onu deməyə əsas verir ki, Cəlilabad rayonunda Aztelekom rəisinin özbaşına qərarları yuxarı distansiyaların göstərişindən irəli gəlir. Şikayətçilər - Əlizadə Kənan Rafael oğlu, Elnur Ramiz oğlu, Nicat Adil oğlu, Məzahir Hidayət oğlu, Məmmədov Famil Mətləb oğlu və bir neçə vətəndaşlar hələdə internetsiz qalıb. 21-ci əsrdə, xüsusən Cəlilabad rayonunda. İdarənin rəisinin gözü o qədər qızıb ki, bir ay nəzərdə tutulmuş abunə haqqı 18 manat pulu, on gün müqabilində alır, qalan iyirmi günü internet verilmir. Maraqlıdır vətəndaşın yerdə qalan limitini kimlərə hansı özəl müəssisələrə satır? Son bir neçə ildə cənab Prezidentin tapşırıqları əsasında çoxlu sayda Korrupsiyaya bulaşmış məmurlar, idarə və müəssisə rəhbərləri həbs olunub, amma nədənsə "Aztelekom" MMC-nin Cəlilabad rayon şöbəsinin rəisi bütün baş verənlərə görə narahat deyil. Sonda idarə rəisinə demək istədik ki "yetimə gəl gəl deyən çox olar, amma çörək verən olmaz" çoxda ağa deyir sür dərəyə, sizə qalan Cəlilabad xalqıdır. Sizə bu rayonun telefon və internet problemini həll etmək tapşırılıb, vətəndaşlara sitəm etmək yox.

Sizin işiniz rayon və kənd sakinlərinə xidmət etməkdir.

Mövzuya yenidən qayıdacağıq...