Cəlilabadda avtomobil dirəyə çırpılıb, xəsarət alanlar var

Tural Tural
Nov 28, 2024 - 19:24 Updated: Nov 28, 2024 - 19:50
0 139
Cəlilabadda avtomobil dirəyə çırpılıb, xəsarət alanlar var

Cəlilabad rayonunda iki nəfərin xəsarət alması ilə nəticələnən yol qəzası baş verib.

Tartv.az-ın məlumatına görə, hadisə köhnə Ələt-Astara avtomobil yolunun Cəlilabadın Maşlıq kəndindən keçən hissəsində qeydə alınıb. Belə ki, idarəetməni itirən "VAZ 2107" markalı minik avtomobili dirəyə çırpılıb. Hadisə nəticəsində iki nəfər rayon sakini, 1961-ci il təvəllüdlü Mirzəcan Cəfərov və 1974-cü il təvəllüdlü Nazim Əlihünbətov müxtəlif bədən xəsarətləri alıb. Yaralılar təcili tibbi yardım briqadası tərəfindən rayon xəstəxanasına çatdırılıb. 

Faktla bağlı araşdırma aparılır.

Əlavə edək ki, təcili tibbi yardım briqadası həmişəki kimi vaxtında hadisə yerinə çatıb. Bunun nəticəsində yaralılar daha tez tibb ocağına təxliyyə olunub. Müşahidələrimizə əsasən deyə bilərik ki, Cəlilabad rayonu üzrə Təcili Tibbi Yardım briqadaları bütün çağırışlara vaxtında çatır və yüksək səviyyədə lazımi tibbi yardım göstərir.